Paghahanap ng Iyong Paraang PananalapiHalimbawa

Ang mahalaga ay ang saloobin.

Sa lumang programa sa TV na "Lifestyles of the Rich and Famous," ang tagapagtanghal na si Robin Leach ay naglibot sa mga mansyon at yate, nagbibigay ng malapitang tanaw sa pamumuhay ng mga taong ubod nang yayaman. Kung ihahambing sa mga may milyon-milyon, tila katiting ang ating mga kinikita. Subalit ang Diyos ay hindi napapabilib sa dami ng ating naimpok sa bangko. Siya ay masusing nakatuon sa kalagayan ng ating mga puso.

Sa Marcos 12, isinasalaysay ang kuwento ng isang biyudang mahirap na pumunta sa templo upang sumamba, Ang mga mayayaman ay nagsisidaan sa lagayan ng mga handog at naghuhulog ng malalaking halaga. Ngunit nang ihulog ng biyudang mahirap ang kanyang handog, tanging dalawang tansong barya lamang ang naibigay niya. Ang halaga ay wala pang kalahating sentimo.

Nang makita ni Jesus ang handog ng biyuda, sinabi niya sa kanyang mga alagad na ang inihandog ng biyudang iyon ay higit na marami kaysa sa inihulog nilang lahat. Sapagkat ang mayayaman ay nagkaloob ng bahagi lamang ng kanilang kayamanan, ngunit ang ibinigay ng biyudang iyon, bagama't siya'y mahirap, ay ang buo niyang ikinabubuhay. Ibinigay niya ang lahat, nagtitiwalang tutugunan ng Diyos ang kanyang mga pangangailangan,

Isipin ito:
1. Ikaw ba ay nagbibigay mula sa kasaganaan o nagbibigay nang may pagsasakripisyo?
2. Ano ang iyong susunod na hakbang pagdating sa pagbibigay?
3. Ang paghahambing ng ating mga handog sa mga handog ng iba ay madalas na nauuwi sa isang paligsahan. Ikaw ba ay nahulog na sa bitag ng paghahambing? Ano ang iyong natutunan sa karanasang iyon?

Manalangin:
Jesus, salamat na mas mahalaga sa Iyo ang kalagayan ng aking puso kaysa sa laki ng aking handog. Tulungan Mo ako na maging mas bukas-palad na tulad Mo.