Soma Biblia Kila Siku 09/2024Mfano

Mambo yote yaliyotabiriwa kuhusu Yesu, hata aina ya kaburi alimozikwa, yalitimia, na yameendelea kudhihirika hata leo. Kwa mfano habari ya Isa 53:9 ilitimia katika kifo chake kilicholeta wokovu:Wakamfanyia kaburi pamoja na wabaya; Na pamoja na matajiri katika kufa kwake; Ingawa hakutenda jeuri, Wala hapakuwa na hila kinywani mwake. Ijapokuwa Yesu alidharauliwa na kudhalilishwa, heshima na ufalme wake uliendelea, na bado unaendelea kudhihirika kwa watu wote. Hakuna nguvu wala mamlaka itakayoweza kuuzuia au kuufunika ukuu wa Yesu. Yeye ataadhimishwa katika maeneo yote ya maisha yetu. Kwa sababu hiyo astahili kuwa Bwana wetu sisi sote.