Soma Biblia Kila Siku 09/2024Mfano

Elisha alimtuma nabii kijana kumpaka mafuta Yehu awe mfalme wa Israeli. Ilitokea baada ya Yoramu mfalme wa Israeli kujeruhiwa na kwenda pa kutibiwa:Mfalme Yoramu mwenyewe alikuwa amerudi, apate kupona jeraha zake alizotiwa na Washami, alipokuwa akipigana na Hazaeli mfalme wa Shamu. Yehu akasema, Kama hii ndiyo nia yenu, basi, msimwache hata mtu mmoja atoke mjini, ili aende kupeleka habari Yezreeli(9:15). Huyo kijana asikamatwe, alikimbia mara baada ya kumpa Yehu maagizo ya Bwana juu ya kutekeleza maangamizi yaliyotabiriwa juu ya nyumba ya Ahabu. Majemadari wengine wa jeshi la Israeli waliposikia hayo, waliyakubali mara moja, wakatangaza kuwa Yehu ni mfalme mpya wa Israeli. Tulitangaze Neno la Mungu, hata kama itahatarisha maisha yetu.