Soma Biblia Kila Siku 09/2024Mfano

Hakuna awezaye kuizuia mipango na makusudi ya Mungu. Walinzi waligwaya mbele ya kishindo cha malaika. Hakuna aliyeona jinsi Yesu alivyoacha kaburi na kushinda kifo na mauti. Wote wamwaminio watashinda mauti vivyo hivyo. Kwa waliolala katika imani, Yesu ni mzaliwa wa kwanza na limbuko lao, kama ilivyoandikwa katika 1 Kor 15:20:Sasa Kristo amefufuka katika wafu, limbuko lao waliolala. Kwa hiyo tujapokufa katika mwili tutafufuka atakaporudi Yesu, na tutavikwa hali mpya ya kutoharibika. Tukiamini habari hii njema itatutia hamu ya kufufuliwa na kuwa pamoja na Yesu.Haijadhihirika bado tutakavyokuwa; lakini twajua ya kuwa atakapodhihirishwa, tutafanana naye; kwa maana tutamwona kama alivyo. Na kila mwenye matumaini haya katika yeye hujitakasa, kama yeye alivyo mtakatifu(1 Yoh 3:2-3).