Soma Biblia Kila Siku 09/2024Mfano

Baada ya kufufuka, Yesu alijidhihirisha kwa wengi, kama Paulo anavyodhihirisha wazi katika 1 Kor 15:5-8. Kwanza Kristoalimtokea Kefa; tena na wale Thenashara;baadaye aliwatokea ndugu zaidi ya mia tano pamoja; katika hao wengi wanaishi hata sasa, ila baadhi yao wamelala;baadaye akamtokea Yakobo; tena na mitume wote;na mwisho wa watu wote, alinitokea mimi, kama ni mtu aliyezaliwa si kwa wakati wake.Hata leo Yesu anaendelea kujidhihirisha kuwa yu hai kwa njia ya kuendelea kuokoa na kuleta maisha mapya kwa wote wanaomwamini. Waliomwua walitumia fedha na kutunga uongo ili kujaribu kuuzima ukweli. Hata kuna watu wanaodanganyika wakiamini kuwa mwili wa Yesu uliibwa na maiti yake kufichwa. Lakini hakuna mashaka! Bwana Yesu alikufa na akafufuka siku ya tatu, kama yanenavyo Maandiko. Na ufalme wake unaendelea kuenea duniani pote.