Soma Biblia Kila Siku 07/2024Mfano

Mifano miwili midogo katika m.31-33 inahusu nguvu ya ajabu ya ufalme wa Mungu. Hili ni neno la kukutia moyo, wewe uliye mtumishi katika kanisa kwa namna moja au nyingine. Huenda wakati mwingine tunawaza kwamba wafuasi wa kweli wa Yesu ni wachache mno mahali tulipo sisi. Tena tunatambua upungufu wetu, na matunda ya kazi huonekana ni hafifu sana. Ndipo tunatarajia kukata tamaa. Hapo tunahitaji sana kuizingatia mifano hii miwili ya Yesu! Mifano miwili mingine katika m.44-46 inahusu uzuri wa ufalme wa Mungu. Yesu anasema kuwa mtu anayeuona ufalme huo yuko tayari kuuza vyote alivyo navyo.