Soma Biblia Kila Siku /Desemba 2023Mfano

Kama kuna mtu ambaye angestahili kupigwa na hukumu ya Mungu ni Sauli. Alitumia nguvu zote na njia zote ili kuwakomesha wanafunzi wa Yesu na kulifuta kanisa. Hakuogopa hata kuua (kwa habari zaidi angalia 7:58; 8:3 na 9:1-2). Kwa hiyo ikiwa Sauli aliweza kupata rehema na kuokoka hakuna mwenye dhambi duniani awaye yote asiyeweza kupata rehema na kuokoka! Soma ushahidi wake:Namshukuru Kristo Yesu Bwana wetu, aliyenitia nguvu kwa sababu aliniona kuwa mwaminifu, akaniweka katika utumishi wake;ingawa hapo kwanza nalikuwa mtukanaji, mwenye kuudhi watu, mwenye jeuri, lakini nalipata rehema kwa kuwa nalitenda hivyo kwa ujinga, na kwa kutokuwa na imani.Na neema ya Bwana wetu ilizidi sana, pamoja na imani na pendo lililo katika Kristo Yesu.Ni neno la kuaminiwa, tena lastahili kukubalika kabisa, ya kwambaKristo Yesu alikuja ulimwenguni awaokoe wenye dhambi; ambao wa kwanza wao ni mimi.Lakini kwa ajili hii nalipata rehema, ili katika mimi wa kwanza, Yesu Kristo audhihirishe uvumilivu wake wote; niwe kielelezo kwa wale watakaomwamini baadaye, wapate uzima wa milele.Sasa kwa Mfalme wa milele, asiyeweza kuona uharibifu, asiyeonekana, Mungu peke yake, na iwe heshima na utukufu milele na milele. Amina(1Tim 1:12-17)!