Soma Biblia Kila Siku/ Machi 2023Mfano

Wengi wahangaika, wakijitaabisha kwa kujenga maisha yao ya Kikristo. Lakini ni Mungu mwenyewe anayetutakasa (m.23, Mungu wa amani mwenyewe awatakase kabisa; nanyi nafsi zenu na roho zenu na miili yenu mhifadhiwe mwe kamili, bila lawama, wakati wa kuja kwake Bwana wetu Yesu Kristo). Basi tumwachie, maana yeye ni mwaminifu ambaye atuita, naye atafanya (m.24), tukikaa karibu naye kwa njia ya Neno lake na maombi. Kila mwenye matumaini haya katika yeye hujitakasa, kama yeye alivyo mtakatifu (1 Yoh 3:3). Busu takatifu (m.26) ambalo walibusiana shavuni na paji la uso wanaume kwa wanaume na wanawake kwa wanawake, lilikuwa alama ya kuwa Mungu amewaumba washarika kama familia katika Kristo.