Soma Biblia Kila Siku JANUARI/2023Mfano

Wasamaria walivutwa kumkaribisha Yesu mjini kwao kutokana na ushuhuda wa yule mwanamke Msamaria aliyekutana na Yesu kisimani. Nao walipomsikiliza Yesu wakamwamini na kushuhudia kuwa hakika Yesu ni Mwokozi wa ulimwengu (m.39-41, Wasamaria wengi walimwamini kwa sababu ya neno la yule mwanamke, aliyeshuhudia kwamba, Aliniambia mambo yote niliyoyatenda. ... Yesu akakaa huko siku mbili. Watu wengi zaidi wakaamini kwa sababu ya neno lake). Je, wewe pia unamwamini Bwana Yesu? Basi mshuhudie kwa neno na tendo. Pengine unafikiri utaanza baadaye, baada ya kujua zaidi jinsi ya kufanya? Basi, zingatia maana ya m.35, Hamsemi ninyi, Bado miezi minne, ndipo yaja mavuno? Tazama, mimi nawaambieni, Inueni macho yenu myatazame mashamba, ya kuwa yamekwisha kuwa meupe, tayari kwa mavuno (m.35). Ni sasa Yesu yupo tayari kukutumia kuleta wokovu kwa wengine.