Soma Biblia Kila Siku JANUARI/2023Mfano

Hekalu lilikuwa ni nyumba ya Mungu. Lilijengwa kwa matumizi ya sala, lakini Wayahudi waliligeuza kuwa mahali pa kufanyia biashara na dhuluma. Pamoja na kutakasa jengo lile, Yesu anawaonyesha Wayahudi kuwa hekalu la kweli ni mwili wake mwenyewe, na kutabiri kuhusu atakavyofufuka. Siku hizi Wakristo ni mwili wa Kristo. Hivyo miili yetu ni hekalu la Roho Mtakatifu aliye ndani yetu. Hamjui ya kuwa ninyi mmekuwa hekalu la Mungu, na ya kuwa Roho wa Mungu anakaa ndani yenu (1 Kor 3:16)? Au hamjui ya kuwa mwili wenu ni hekalu la Roho Mtakatifu aliye ndani yenu, mliyepewa na Mungu (1 Kor 6:19)? Tukumbuke kuwa bado Yesu anataka hekalu la Mungu libaki kuwa mahali patakatifu na kazi yake iwe ileile ya kuwa nyumba ya sala!