Soma Biblia Kila Siku Disemba/2022Mfano

Jana tuliona kwamba kuingia katika Ufalme wa Mungu hakutegemei ustahili wa mtu bali mwaliko wa Mungu ambao unakwenda kwa watu wote. Hata mtu asiyeheshimika na watu, kwa Mungu ana thamani kubwa. Kuokolewa kwa mtu ni kwa neema ya Mungu. Ni bure. Ila kwa fundisho la leo Yesu anasisitiza kwamba kwa namna nyingine kuna gharama kuingia Mbinguni. Maana mtu akiwa ameshampokea Yesu, ni lazima Yesu awe Bwana wa maisha yake. Asiwepo mtu na kisiwepo kitu chenye umuhimu kuliko Yesu na neno lake. Ndivyo Yesu anavyoonya akisema, Kama mtu akija kwangu naye hamchukii baba yake, na mama yake, na mke wake, na wanawe, na ndugu zake waume na wake; naam, na hata nafsi yake mwenyewe, hawezi kuwa mwanafunzi wangu. Mtu ye yote asiyeuchukua msalaba wake na kuja nyuma yangu, hawezi kuwa mwanafunzi wangu (m.26-27). Basi, kadhalika kila mmojawenu asiyeacha vyote alivyo navyo, hawe kuwa mwanafunzi wangu (m.33).