Soma Biblia Kila Siku Disemba/2022Mfano

Mfano wa viti vya mbele una maana gani? Yesu alipotoa mifano alitaka kutufundisha mambo muhimu kuhusu Ufalme wa Mungu. Kwa hiyo mfano huu hauhusu tu unyenyekevu katika maisha haya, ila zaidi unahusu namna ya kupata kuingia karamuni Mbinguni. Hapo panatakiwa unyenyekevu. Ndivyo anavyosema Yakobo, Mungu huwapinga wajikuzao, bali huwapa neema wanyenyekevu (Yak 4:6). Kumbuka pia ilivyoandikwa katika Mt 18:1-4, Saa ile wanafunzi wakamwendea Yesu wakisema, Ni nani basi aliye mkuu katika ufalme wa mbinguni? Akaita mtoto mmoja, akamweka katikati yao, akasema, Amin, nawaambia, Msipoongoka na kuwa kama vitoto, hamtaingia kamwe katika ufalme wa mbinguni. Basi, ye yote ajinyenyekeshaye mwenyewe kama mtoto huyu, huyo ndiye aliye mkuu katika ufalme wa mbinguni. Na unakumbushwa kuwa ... ufanyapo karamu waite maskini, vilema, viwete, vipofu, nawe utakuwa heri (m.13). Mungu hututendea mema mengi bila kudai malipo. Anatuita tutende vivyo hivyo! Je, umefuata agizo hili maishani mwako?