Soma Biblia Kila Siku Disemba/2022Mfano

Jitahidini kuingia katika mlango ulio mwembamba, kwa maana nawaambia ya kwamba wengi watataka kuingia, wasiweze (m.24). Lakini, je, wokovu si kwa ajili ya wote? Ndiyo! Kwa nini, basi, wengine hawawezi kuingia? Dhambi zao ni kubwa mno? Hapana, si kwamba hawapokelewi au hawawezi kusamehewa dhambi zao. Sababu ni ugumu wa mioyo yao. Hawataki kutubu. Hawataki kumwambia Yesu dhambi zao na kumkabidhi maisha yao. Tafadhali ndugu, jitahidi! Omba umpate Roho Mtakatifu, ukikumbuka neno la Yesu, Ikiwa ninyi mlio waovu mnajua kuwapa watoto wenu vipawa vyema, je! Baba aliye mbinguni hatazidi sana kuwapa Roho Mtakatifu hao wamwombao (11:13)? Bila Roho hupati kumjua Yesu.