Soma Biblia Kila Siku Aprili/2022Mfano

Amani iwe kwenu(m.36). Maneno hayo yameandikwa mara nne tu katika Agano Jipya, na kila mara ayanenaye ni Yesu. Yanapatikana pia katika Yn 20:19, 21 na 26. Ni salamu yake pekee baada ya kufufuka kwake. Yamaanisha kwamba sasa kuna amani kati ya Mungu na wanaopokea maneno hayo ya Yesu. Deni la dhambi zao limekwisha lipwa, damu ya Yesu ilipomwagika msalabani, maanakwa kupigwa kwake sisi tumepona(Isa 53:5).Kwa maana yeye ndiye amani yetu, aliyetufanya sisi sote tuliokuwa wawili kuwa mmoja; akakibomoa kiambaza cha kati kilichotutenga. Naye akiisha kuuondoa ule uadui kwa mwili wake; ndiyo sheria ya amri zilizo katika maagizo; ili afanye hao wawili kuwa mtu mpya mmoja ndani ya nafsi yake; akafanya amani. Akawapatanisha wote wawili na Mungu katika mwili mmoja, kwa njia ya msalaba, akiisha kuufisha ule uadui kwa huo msalaba. Akaja akahubiri amani kwenu ninyi mliokuwa mbali, na amani kwao wale waliokuwa karibu. Kwa maana kwa yeye sisi sote tumepata njia ya kumkaribia Baba katika Roho mmoja(Efe 2:13-18). Kwa kumfufua Yesu, Mungu ameonyesha kwamba ameukubali kabisa upatanisho huo! Kitambulisho cha Yesu ni alama za vidonda vyake mwenyewe. Anaonyesha utambulishohuu akisema,Tazameni mikono yangu na miguu yangu, ya kuwa ni mimi mwenyewe. Nishikenishikeni, mwone; kwa kuwa roho haina mwili na mifupa kama mnavyoniona mimi kuwa nayo. Na baada ya kusema hayo aliwaonyesha mikono yake na miguu yake(m.39-40).