Soma Biblia Kila Siku Aprili/2022Mfano

Wayahudi hawakuwa na mamlaka ya kumhukumu mtu kufa bila ruhusa ya Pilato. Ni sababu ya hao kuendelea kumdai. Mara nne Pilato anasema Yesu hajafanya kosa lolote lipasalo kufa. Mara ya kwanza akawaambia,Sioni neno lililo ovu katika mtu huyu(m.4). Halafu akasema,Mtu huyu mmemleta kwangu kana kwamba anapotosha watu; nami, tazama, nimeamua mambo yake mbele yenu, ila sikuona kwake kosa lo lote katika mambo hayo mliyomshitaki; wala hata Herode, kwa maana amemrudisha kwetu; basi tazama, hakuna neno lo lote alilolitenda lipasalo kufa(m.14-15). Akawauliza kwa mara nyingine,Mtu huyu mmemleta kwangu kana kwamba anapotosha watu; nami, tazama, nimeamua mambo yake mbele yenu, ila sikuona kwake kosa lo lote katika mambo hayo mliyomshitaki; wala hata Herode, kwa maana amemrudisha kwetu; basi tazama, hakuna neno lo lote alilolitenda lipasalo kufa(m.22). Na wakitaka awafungulie Baraba ambaye ni mwuaji, anakubali. Maana walisisitiza wakisema,Mwondoe huyu, utufungulie Baraba(m.18). Hiyo inaonyesha wazi kwamba Pilato anapenda zaidi kubaki madarakani kuliko kutenda haki. Ilivyotokea kwa Baraba ni mfano wa wewe na mimi. Sisi ni wenye dhambi, tumestahili kufa. Lakini Yesu alikufa badala yetu ili sisi tusamehewe na kuwa huru. Bwana asifiwe!