Soma Biblia Kila Siku Februari/ 2022Mfano

Waumini wameketi pamoja na Kristo katika ulimwengu wa mbinguni kutokana na wao kuungana naye (m.6,Akatuketisha pamoja naye katika ulimwengu wa roho, katika Kristo Yesu). Kristo mwenyewe ni haki yao ya kuwa na uenyeji huu wa mbinguni (Flp 3:20,Wenyeji wetu uko mbinguni; kutoka huko tena tunamtazamia Mwokozi, Bwana Yesu Kristo). Wokovu ni kwa neema na kupokelewa kwa imani pekee (m.8,Kwa maana mmeokolewa kwa neema, kwa njia ya imani; ambayo hiyo haikutokana na nafsi zenu, ni kipawa cha Mungu). Imani inayookoa inahusisha ufahamu wa Injili, na kuamini habari yake ni ya kweli kwa kujikabidhi mikononi mwa Kristo. Wakati waumini wanaokolewa kwa imani, na wala siyo matendo mema, imani inayookoa kila wakati inadhihirishwa kwa matendo mema (m.10,Maana tu kazi yake, tuliumbwa katika Kristo Yesu, tutende matendo mema, ambayo tokea awali Mungu aliyatengeneza ili tuenende nayo).