Soma Biblia Kila Siku Februari/ 2022Mfano

Lengo la Mungu ni kuwa na Kanisa lenye umoja wa imani na ufahamu wa Kristo (m.13,hata na sisi sote tutakapoufikia umoja wa imani na kumfahamu sana Mwana wa Mungu). Maisha ya waumini yafungamane na Kristo, kiasi cha hao kufikia utimilifu wake mwenyewe. Huku ni kukomaa na kujazwa na baraka na vipawa na neema ya Kristo. Wakristo wanatakiwa kusonga mbele ili waendelee kukua kiroho katika ufahamu wao wa Kristo. Wasiwe “watoto wachanga” wasioweza kusimama imara wakiyumbishwa na mafundisho ya uongo (m.14,Tusiwe tena watoto wachanga, tukitupwa huku na huku, na kuchukuliwa na kila upepo wa elimu, kwa hila ya watu, kwa ujanja, tukizifuata njia za udanganyifu). Je, unafikiri ni kwa kiasi gani umesimama imara katika Kristo?