Soma Biblia Kila Siku Septemba 2021Mfano

Mkristo anayefanya kazi kwa mtu mwingine anapaswa kuifanya vizuri, maana yupo chini ya Bwana wakati wote. Labda mkuu wetu kazini hajui jinsi tunavyofanya kazi yetu, lakini Mungu anajua! Kumbuka kwamba ni mapenzi ya Mungu kwamba tuwe tunafanya kazi, na ni neema yake tukiwa na afya na uwezo wa kufanya kazi inayotupatia riziki. Kwa hiyo kama umepata kazi, ifanye kwa bidii na kwa uaminifu, maana kwa njia hii utabarikiwa na Mungu. Zingatia agizo la m.23-24, maana ni kipimo kizuri kwa matendo yetu: Lo lote mfanyalo, lifanyeni kwa moyo, kama kwa Bwana, wala si kwa wanadamu, mkijua ya kuwa mtapokea kwa Bwana ujira wa urithi. Mnamtumikia Bwana Kristo.