Soma Biblia Kila Siku Septemba 2021Mfano

Kanisa la Sardi lilikabiliwa na kifo cha kiroho. Likikosa mwamko wa kiroho likakengeuka, likawa tofauti na lilivyopokea hapo mwanzo. Hivyo ule uhai wa ndani ulififia, likabaki na matendo fulani ya nje tu yaliyowadanganya watu. Ila Yesu hadanganyiki. Huona kanisa lilivyochafuka. Kwa hiyo Yesu analionya, Basi kumbuka jinsi ulivyopokea, na jinsi ulivyosikia; yashike hayo na kutubu. Walakini usipokesha, nitakuja kama mwivi, wala hutaijua saa nitakayokuja kwako (m.3). Kanisa linaitwa lirudi katika ukweli wa Kristo. Bila kumrudia Mungu hakuna kutambuliwa naye. Kutambuliwa na Mungu ni kuandikwa kitabuni mwake. Unapenda kutambuliwa na Kristo? Tubu dhambi zako na kumwamini Yesu.