Soma Biblia Kila Siku Februari 2021Mfano

Daudi anamsifu Mungu kwa ajili ya uumbaji wake, akionyesha jinsi jua, mwezi, nyota na viumbe vingine kama watu wanyonge vinavyosifu ukuu wake. Zab 8 imenukuliwa mara nyingi katika AJ. Yesu mwenyewe na Wakristo wa kwanza waliisoma kama unabii juu ya Kristo. Yesu akawaambia [wakuu wa makuhani na waandishi], Naam; hamkupata kusoma, Kwa vinywa vya watoto wachanga na wanyonyao umekamilisha sifa?Na katika Ebr 2:5-9 unaweza kusoma jinsi Wakristo wa kwanza walivyoelewa Zab 8. Ukuu wa binadamu unashuhudiwa, kwa sababu Mwana wa Mungu atakuwa ndugu yetu. Kama mwakilishi wa binadamu wote, Yesu atapewa mamlaka kamili juu ya uumbaji wote na kutimiza kikamilifu unabii wote wa Zab 8 (Efe 1:20-22 inathibitisha kwamba ndivyo ilivyotokea: Mungualipomfufua [Kristo]katika wafu, akamweka mkono wake wa kuume katika ulimwengu wa roho;juu sana kuliko ufalme wote, na mamlaka, na nguvu, na usultani, na kila jina litajwalo, wala si ulimwenguni humu tu, bali katika ule ujao pia;akavitia vitu vyote chini ya miguu yake, akamweka awe kichwa juu ya vitu vyote kwa ajili ya kanisa).