Soma Biblia Kila Siku Februari 2021Mfano

Alipofariki Sara alikuwa na umri wa miaka 127. Twaona kwamba miaka ya watu kuishi ilizidi kupungua baada ya gharika ya maji. Huenda hali ya hewa ilikuwa imebadilika na kusababisha hali hii. Baadaye Musa aliimba: Siku za miaka yetu ni miaka sabini, na ikiwa tuna nguvu miaka themanini (Zab 90:10). Ibrahimu alikuwa hana ardhi, kwa hiyo alipata shida namna ya kumzika Sara, kama anavyowaambia wazawa wa Hethi katika m.4,Mimi ni mgeni, ninatembea kwenu; nipeni mahali pa kuzikia kwenu, pawe pangu, nimzike maiti wangu. Lakini kwa vile aliheshimika na watu wa nchi ile akafanikiwa kununua mahali pa kuzika:Basi baada ya hayo Ibrahimu akamzika Sara mkewe katika pango ya shamba la Makpela kuelekea Mamre, ndiyo Hebroni, katika nchi ya Kanaani.Na lile shamba, na pango iliyomo, iliyakinishwa kuwa mali yake Ibrahimu na wazawa wa Hethi, kuwa mahali pa kuzikia(m.19-20).