Soma Biblia Kila Siku Februari 2021Mfano

Mungu anataka kuona kama Ibrahimu, baba wa imani, anampenda Yeyehata kuliko yule aliyempenda zaidi katika dunia hii, yaani, Isaka. Ni jaribu gumu mno! Alimpata Isaka baada ya kungoja miaka mingi. Tena alimpata kwa mwujiza wa Mungu mwenyewe. Sasa Mungu huyu huyu anataka kumchukua tena. Lakini Ibrahimu alikuwa amejifunza utii. Hakuuliza maswali. Wala hakukawia: Ibrahimu akaondoka alfajiri (m.3; habari ya 21:14 inaonyesha ilikuwa kawaida yake Mungu akimwambia kutenda, maana pia hapo imeandikwa Ibrahimu akaamka asubuhi na mapema). Katika Ebr 11:17-19 tunaambiwa siri yake: Kwa imani alizipokea ahadi za Mungu! Kwa imani Ibrahimu alipojaribiwa, akamtoa Isaka awe dhabihu; na yeye aliyezipokea hizo ahadi alikuwa akimtoa mwanawe, mzaliwa pekee;naam, yeye aliyeambiwa, Katika Isaka uzao wako utaitwa,akihesabu ya kuwa Mungu aweza kumfufua hata kutoka kuzimu; akampata tena toka huko kwa mfano. Tendo la Ibrahimu ni mfano wa tendo la Mungu katika Yesu,kwa maana jinsi hii Mungu aliupenda ulimwengu, hata akamtoa Mwanawe pekee, ili kila mtu amwaminiye asipotee, bali awe na uzima wa milele(Yn 3:16).