Soma Biblia Kila Siku Februari 2021Mfano

Bwana akamfanyia kama alivyosema. Sara akapata mimba akamzalia Ibrahimu mwana wa kiume katika uzee wake(m.1-2). Zingatia maneno hayo kama alivyosema. Mungu kwa upande wake alitimiza agano alilolipatana na Ibrahimu. Na Ibrahimu vilevile alishika agano la Mungu: Ibrahimu akamtahiri Isaka mwanawe, alipokuwa mwenye siku nane, kama Mungu alivyomwamuru(m.4). Ni wazi kwa wote kwamba Mungu alifanya mwujiza (ling. Ebr 11:11, Kwa imani hata Sara mwenyewe alipokea uwezo wa kuwa na mimba; alipokuwa amepita wakati wake; kwa kuwa alimhesabu yeye aliyeahidi kuwa mwaminifu)! Na furaha ya Sara na Ibrahimu ilikuwa kubwa sana. Sara alicheka tena, lakini sasa sababu siyo kutoamini kwake bali furaha, kama anavyosema mwenyewe katika m.6,Mungu amenifanyia kicheko). Lakini Ishmaeli hakufurahi (m.9,Sara akamwona yule mwana wa Hajiri Mmisri, ambaye alimzalia Ibrahimu, anafanya dhihaka).