Soma Biblia Kila Siku Februari 2021Mfano

Ibrahimu alirudia kosa lake alilolifanya huko Misri. Hakumwambia Abimeleki ukweli wote, bali alimnena Sara mkewe, Huyu ni ndugu yangu(m.2). Ni kweli, Sara alikuwa dadayake, kama Ibrahimu anavyoeleza katika m.12,Kweli ni ndugu yangu, binti wa baba yangu ila siye mwana wa mama yangu.Lakini zaidi sana Sara alikuwa ni mkewake! Ni mkewe mtu, Mungu anamwambia Abimeleki katika m.3. Kwa uongo wake, Ibrahimu alisababisha Abimeleki kupigwa na ghadhabu ya Mungu. Ikabidi Ibrahimu amwombee kwa Mungu ili apone (m.17-18)! Naamini Ibrahimu alimwomba Mungu vilevile kwamba amsamehe uongo wake. Hakusema ukweli kwa sababu aliwahofu watu (katika m.11 anakiri,Naliona, Yakini hapana hofu ya Mungu mahali hapa, nao wataniua kwa ajili ya mke wangu). Lakini tunalotakiwa kufanya ni kumhofu Mungu kuliko binadamu!