Soma Biblia Kila Siku Februari 2021Mfano

Binti zake Lutu walifanya matendo maovu, wakimnywesha baba yao mvinyo, wakalala naye (m.31-32). Kwa hiyo si ajabu kwamba wale wana waliozaliwa nao wakawa waovu. Baadaye Wamoabi na Waamoni, wazao wao, wakawa maadui wakali wa taifa la Israeli, wakawasumbua sana tena na tena (ukiwa na nafasi unaweza kusoma k.m. Amu 3:1-14, 1 Sam 14:47 na 2 Fal 3:21-24). Kwa uovu wao binti zake Lutu walionyesha kwamba kimawazo walikuwa bado hawajatoka katika Sodoma. Hufanana na mama yao: Mkewe Lutu akatazama nyuma yake, akawa nguzo ya chumvi(m.26). Zingatia jibu la Yesu Lk 9:61-62 ambapo mtu anamwambia, Bwana, nitakufuata; lakini, nipe ruhusa kwanza nikawaage watu wa nyumbani mwangu. Yesu akamwambia, Mtu aliyetia mkono wake kulima, kisha akaangalia nyuma, hafai kwa ufalme wa Mungu.