Soma Biblia Kila Siku Februari 2021Mfano

Angalia m.29 kuhusu uhusiano wa Mungu kumwokoa Lutu na maombezi ya Ibrahimu: Ikawa Mungu alipoiharibu miji ya Bondeni, Mungu akamkumbuka Ibrahimu, akamtoa Lutu katika maangamizi. Hapo twaona ukweli wa neno la Yak 5:16, Kuomba kwake mwenye haki kwafaa sana, akiomba kwa bidii(au kwa tafsiri ya BHN: Sala ya mtu mwema ina nguvu ya kutenda mengi). Kwa sababu ya Lutu, Ibrahimu alikuwa amemwomba Bwana auhurumie mji wa Sodoma. Na ingawa hawakuwemo hata wenye haki 10, Bwana akafanya kila njia ili amwokoe Lutu (tafakari ilivyoandikwa katika m.10-11, 12, 15-16 na 21-22)!