Soma Biblia Kila Siku 11Mfano

Ni mara ya mwisho Daudi na Sauli kukutana. Na tunaona ukuu wa Mungu. Sauli alikuja kumwinda Daudi ili amwue, lakini Mungu akamzuia na kuyageuza mambo kabisa. Ndipo ikambidi Sauli kumtakia Daudi heri badala ya mabaya! Sauli akamwambia Daudi, Ubarikiwe, Daudi, mwanangu; utatenda mambo makuu, tena hakika yako utashinda. Basi, Daudi akaenda zake; Sauli naye akarudi kwao (m.25). Tukio hili linafanana na tukio la Bileamu ambaye Bwana alimlazimisha kuwabariki Waisraeli ingawa yeye alitaka kuwalaani! Mfalme Balaki akamwambia Balaamu, Umenitendea nini? Nimekuleta ili uwalaani adui zangu, na tazama, umewabariki kabisa kabisa.Naye akajibu, akasema, Je! Hainipasi kuangalia, niseme neno lile Bwana atialo kinywani mwangu?(Hes 23:11-12; ukitaka kujua zaidi habari hiyo, soma pia Hes 22:1-6 na 23:5-10).