Soma Biblia Kila Siku 11Mfano

Ndipo Akishi akamwita Daudi, akamwambia ... hao wakuu hawakuridhii. Basi sasa urudi, uende zako kwa amani, ili usiwachukize hao mashehe wa Wafilisti (m.6-7). Neno "mashehe" hapa inafaa zaidi kutafsiri "wakuu" au "machifu". Bila shaka Daudi angalifanya kama wale wakuu wa Wafilisti walivyotabiri, Asiende pamoja nasi vitani, asije akawa adui wetu vitani; kwani mtu huyu angejipatanisha na bwana wake kwa njia gani? Je! Si kwa vichwa vya watu hawa?(yaani, vichwa vya Wafilisti; m.4). Daudi asingaliweza kuwa adui kwa wenzake Waisraeli. Ila Akishi alimwamini Daudi, maana Daudi alikuwa amemfanyia ujanja (habari hii unaweza kusoma katika 1 Samweli 27:1-12). Mungu ndiye aliyewapa wakuu hao wa Wafilisti ufumbuzi, maana alitaka kumwadhibu Sauli kwa mkono wao!