Soma Biblia Kila Siku 11Mfano

Baada ya kila fundisho Paulo anauliza swali la udadisi ambalo anajua Wayahudi wangeuliza. Leo anaelezea mambo ambayo yanapitaufahamu wa binadamu: Ee binadamu; wewe u nani umjibuye Mungu? Je! kitu kilichoumbwa kimwambie yeye aliyekiumba, Kwani kuniumba hivi (m.20)? Kwa hiyo jambo muhimu kwa Paulo si kuiridhisha akili ya binadamu kwa kila jambo. Bali la muhimu zaidi ni kuonyesha msingi wa kila fundisho katika Maandiko Matakatifu(angalia m.15 na 17 kuhusu anavyothibitisha aliyoandika:Maana [Mungu]amwambia Musa, Nitamrehemu yeye nimrehemuye, nitamhurumia yeye nimhurumiaye. … Kwa maana maandiko yasema juu ya Farao, ya kwamba, Nilikusimamisha kwa kusudi hili, ili nionyeshe nguvu zangu kwako, jina langu likatangazwe katika nchi yote). Fundisho: Kuokoka kunategemea neema ya Mungu tu (m.16: Si katika uwezo wa yule atakaye, wala wa yule apigaye mbio; bali wa yule arehemuye, yaani, Mungu)!