Le të lexojmë BiblënShembull

Zanafilla 24:14

Bëj që vajza së cilës do t’i them: “Ah, ule shtambën tënde që unë të pi” dhe që do të më përgjigjet: “Pi, dhe do t’u jap për të pirë edhe deveve të tua”, të jetë ajo që ti ia ke caktuar shërbyesit tënd Isak. Nga kjo unë do të kuptoj që ti ke treguar dashamirësi ndaj zotërisë tim».

Eliezeri tek pusi

Eliezeri u nis në një udhëtim me dhjetë deve! Në shpinën e deveve kishte trasta me të gjitha llojet e gjërave të bukura. Pasi udhëtoi për një kohë të gjatë, Eliezeri arriti në tokën ku Abrahami kishte jetuar më parë. Ai ndaloi pranë një pusi. Devetë ishin të etura. Por… si mund të gjente ai një grua të mirë për Isakun? Ai nuk i njihte vajzat në këtë vend. Kështu që ai iu lut Perëndisë: “Perëndi, të lutem më dërgo një grua të mirë. Qoftë gruaja që do të më japë mua dhe deveve ujë, gruaja e duhur për Isakun.” Si mendon, a do ta dëgjojë Perëndia lutjen e tij?