Le të lexojmë BiblënShembull

Zbulesa 21:4

Dhe Perëndia do të fshijë çdo lot nga sytë e tyre; dhe vdekja nuk do të jetë më; as brengë, as britmë, as dhimbje nuk do të ketë më, sepse të parat shkuan».

Të gjitha gjërat do të bëhen të reja.

Ti mund të kesh menduar rreth parajsës. Si do jetë parajsa? Çfarë po bëjnë të gjithë ata njerëz në parajsë? Këto janë pyetje shumë të vështira. Ata që kanë vdekur e kanë shkuar në parajsë, nuk mund të kthehen e të na tregojnë se si është në parajsë. Megjithatë, ne dimë diçka për të. Në Bibël mund të lexojmë në lidhje me parajsën. Perëndia është në parajsë. Kjo është gjëja më e rëndësishme. Të gjithë njerëzit do ta shohin Atë. Të gjithë ata njerëz do të këndojnë për Të. Nuk ka aspak trishtim dhe dhimbje në parajsë. Atje është gjithmonë dritë. Të gjithë janë të lumtur. Ti gjithashtu mund të jesh po kaq i lumtur.

Mendo rreth kësaj...

Jezusi do të vijë përsëri në tokë. Këtë e ke lexuar këtë javë. Ti ke lexuar gjithashtu për parajsën, vendin ku nuk do të ketë kurrë trishtim. Si do të të vejë puna kur Perëndia të vijë? Ti mund të jesh atje me Të, vetëm nëse e ke njohur Atë. Ai do të jetë Perëndia yt vetëm kur ti, përmes hirit, të kesh mësuar të besosh në Të.