Soma Biblia Kila Siku/ Aprili 2023Sample

Musa aliendelea kulalamika kuwa Waebrania wasingeamini kwamba ametumwa na Mungu; na hivyo Mungu alimwezesha kuonesha ishara tatu za ajabu anazoweza kutumia kushawishi Waebrania kwamba kweli Bwana amemtuma kwa kusudi maalumu. Huenda Waebrania walifahamu maajabu ya wachawi wa Misri, lakini wangeona kwamba miujiza ya Musa ni zaidi kuliko uchawi wa Misri. Lengo la ishara hizi tatu ni kuwahakikishia wana wa Israeli kwamba Musa ametumwa na Mungu kwa kazi maalumu ya kuwakomboa toka utumwani.