Soma Biblia Kila Siku/ Aprili 2023Sample

Musa alimrudia mkwewe, akatwaa familia yake akaenda Misri. Mungu alimwambia mapema juu ya ukaidi wa Farao, mapigo na hata kifo cha mzaliwa wa kwanza ambavyo ukaidi huo utawasababishia Wamisri. Njiani Mungu alikutana na Musa ili kumkumbusha wajibu wake wa kumwingiza mtoto wake katika agano (Mwa 17:10). Mkewe alimtahiri mtoto wao ili kuokoa maisha ya Musa. Haruni alikuwa tayari kuongea maneno ya Mungu, na Waebrania walipoona zile ishara na kusikia kuwa Mungu ameyaona mateso yao waliamini na kuabudu.