Soma Biblia Kila Siku/ Aprili 2023Sample

Hayo nimewaambieni mpate kuwa na amani ndani yangu. Ulimwenguni mnayo dhiki; lakini jipeni moyo; mimi nimeushinda ulimwengu (m.33). Yesu amewaeleza wazi yale yatakayotokea kwake (m.28-30). Kwa hiyo yatakapotokea, wataamini ya kuwa yeye ndiye. Wataona ushindi wake na watakuwa na amani ndani yake. Yesu ni Bwana wa amani (2 The 3:16). Ukimpokea yeye moyoni mwako utapata amani ya kweli aliyotuachia Bwana Yesu aliposema, Amani nawaachieni; amani yangu nawapa; niwapavyo mimi sivyo kama ulimwengu utoavyo (Yn 14:27). Dhambi zako zimefutwa kwa damu yake!