Soma Biblia Kila Siku/ Aprili 2023Sample

Ni Ijumaa Kuu. Asulubiwe! Hili ni itikio la Wayahudi walipoulizwa cha kumtenda Yesu asiyekuwa na makosa. Badala ya Yesu, walimchagua Baraba, mnyang’anyi (Yn 18:40, Si huyu, bali Baraba. Naye yule Baraba alikuwa mnyang'anyi). Walipoulizwa tena, wakajibu, “Yesu asulubiwe.” Ni swali tunalopaswa kujiuliza hata leo, na hasa katika Juma Takatifu: Je, tunachagua nini badala ya Yesu? Mungu amemleta Yesu ili atukomboe sisi dhidi ya dhambi. Kumkosa yeye ni kukosa vyote, maana wote waliompokea aliwapa uweza wa kufanyika watoto wa Mungu, ndio wale waliaminio jina lake (Yn 1:12).