Soma Biblia Kila Siku/ Aprili 2023Sample

Unaposikiliza mazungumzo ya wengi siku hizi, unagundua kuwa wanawasifu watu waliofanikiwa kupata mali nyingi. Sifa hizi hazizingatii mbinu anazotumia mtu anayesifiwa kupata mafanikio. Hata wapatao mafanikio ya mali kwa uhalifu wanaitwa wajanja. Neno la Mungu linaelelekeza vinginevyo: Usiwahusudu watu waovu, Wala usitamani kuwa pamoja nao; Kwa maana moyo wao hufikiri dhuluma, Na midomo yao huongea madhara (m.1-2). Mafanikio yadumuyo kweli ni yale yapatikanayo kwa kuifuata hekima ya Mungu. Neno la Mungu liwe kiongozi katika kufanya maamuzi yako. Pata ushauri kutoka hekima ya Yesu Kristo. Kwa ulitimia unabii katika Isa 11:2-3, Roho wa Bwana atakaa juu yake, roho ya hekima na ufahamu, roho ya shauri na uweza, roho ya maarifa na ya kumcha Bwana; na furaha yake itakuwa katika kumcha Bwana; wala hatahukumu kwa kuyafuata ayaonayo kwa macho yake, wala hataonya kwa kuyafuata ayasikiayo kwa masikio yake.