Soma Biblia Kila Siku/ Aprili 2023Sample

Asali ni chakula na dawa muhimu. Kila mtu anaipenda. Kama mtoto ashauriwavyo kuipenda na kuila asali, vivyo hivyo na mwana wa Mungu, anatakiwa kulipenda Neno la Mungu lililo asili ya ubora wa maisha. Hekima ya Mungu ni Kristo. Ukimfuata huyu, utafurahia ukweli na kuwapenda watu, na utajifunza jinsi ya kuwatendea mema wabaya wako. Neno la Mungu linafundisha kuwa usifurahie kuanguka kwa watu wabaya (m.17 Usifurahi, adui yako aangukapo; Wala moyo wako usishangilie ajikwaapo), bali umwachie Mungu kulipa kisasi, maana ndiye mwamuzi sahihi. Yeye anasema, Kisasi ni changu mimi, na kulipa, Wakati itakapoteleza miguu yao; Maana siku ya msiba wao imekaribia, Na mambo yatakayowapata yatafanya haraka (Kum 32:35).