Soma Biblia Kila Siku/ Aprili 2023Sample

Wazazi wa Musa walioamua kumwasi Farao na kumficha mtoto wao ni wa kabila la Lawi. Waliposhindwa kumficha tena, walitengeneza kisafina cha manyasi, kilichopakwa lami ili kumhifadhi kando ya mto, huko wakimwacha Miriamu kumlinda. Mungu anamtumia binti Farao, ambaye anamhurumia mtoto aliyeachwa mtoni na kumwokoa. Binti Farao anamtafuta mwanamke wa kumnyonyesha kwa malipo na kuendelea kumlea mtoto kama wake mwenyewe. Hivyo bila kujua, binti Farao anatumikia mpango wa Mungu kuwaokoa watu wake.