Soma Biblia Kila Siku/ Aprili 2023Sample

Mungu ni tayari kwa kuwaokoa Waisraeli, akimtuma Musa kwao. Musa akimwomba Mungu ajitambulishe, jibu ni, MIMI NIKO AMBAYE NIKO. Ni Mungu wa milele asiyebadilika. Lakini zaidi anajitambulisha kama Mungu wa baba zao. Hiyo itawafanya Waisraeli kumkubali Musa. Katika kiburi chake, Farao atakaidi, lakini nguvu na mamlaka ya Mungu zitamshinda. Ili kuondoa wasiwasi wa Musa, Mungu anampa dalili ya ajabu: Atawaleta Waisraeli mlimani Horebu wamwabudu. Si dalili ya kuona bali ya tumaini. Hushikwa kwa imani tu.