Soma Biblia Kila Siku/ Aprili 2023Sample

Familia ya Yakobo ilipohamia Misri walikuwa watu sabini. Awali walikuwa na furaha na mafanikio tele. Matokeo yake ni kuongezeka kiasi cha kuwa tishio kwa Wamisri. Hii ilisababisha mtawala mpya wa Misri kuhofia kuwa endapo maadui wangewashambulia Wamisri, Waisraeli wangejiunga nao. Ili kuwapunguza, aliamua kuwatumikisha kwa nguvu wakijenga miji atakayoitumia kuweka akiba. Lakini kwa kadri alivyowatesa Waisraeli kwa ukali, na maisha yao kuwa machungu, ndivyo Mungu alivyowabariki wakaongezeka.