Alles Wat Ek Nodig HetSample

Hernu jou krag

’n Man het eenkeer tydens ’n gebedsbyeenkoms vir my gesê: “Ek is moeg.” Dit was ’n jong boer en dit was ʼn lang jaar. Ek het vir hom gesê: “Hou aan hardloop.” Die lewe is immers soos ’n ultra-maraton. Die Comrades-maraton is byna 90 kilometer lank; dit is die wêreld se langste en oudste ultra-maraton. So is die mens ook in ’n maraton; ons is eintlik besig met die wedloop van ons lewe.

Dit is nou tyd dat ons ernstig na Jesus kyk, op Hom wag, ons krag hernu en soos arende vlieg. Ons kan nie meer bekostig om uitgeput te wees nie, ons moet voortgaan en vertrou dat die Here ons sal deurdra. Jy wonder dalk hoe ons dit gaan regkry. Doodeenvoudig omdat Jesus in Johannes 14:6 sê: “Ek is die weg en die waarheid en die lewe.” As jy jou oë op die Here gefokus hou, sal Hy jou deurdra.