Баяр хөөрийн ДоргилтЗагвар

Та Есүсийг Аврагч ба Эзэнээ хэмээн зүрх сэтгэлдээ хүлээн зөвшөөрөхөд, таны өмнө нь хэзээ ч мэдэрч байгаагүй баяр хөөрийн цоо шинэ ертөнц таны өмнө нээгдэнэ! Энэ дэлхий ертөнц дээрх амьдрал нь төгс төгөлдөр байхгүй харин энэ дэлхий дээр байхдаа бид сэтгэлийн зовлон, гуниг гансрал ба сэтгэл сонсойхыг мэдрэх болно гэдгийг Бурхан мэдэж байсан. Тэсэхийн аргагүй тэр зовлонт өдрүүдтэй тэмцэхэд зориулж, Тэрээр бидэнд амьдарч буй энэ дэлхийн асуудлуудаас маань биднийг дээш өргөхийн тулд баяр хөөрийн бэлгийг өгсөн! Баяр хөөр бол Есүсийг Аврагч ба Эзэнээ гэж таньж мэдсэн хүмүүст өгөгдсөн диваажингийн нэг хэсэг юм. Баяр хөөр бол Эзэн Өөрийн бурханлаг байдал дотроо таалдаг тэр ивээл ерөөлийг нь энэ дэлхий дээр хүн байхдаа эдлэх чадвар юм.

Баяр хөөр бол Хаадын Хаантай харилцах дотно харилцаанаас төрөн гарах бат бөх, тодорхойлогч үр дүн юм.

Та өөрийн хүслээр Есүстэй хамтрах мөн Түүний Эзэмшил болон эрх мэдэлд захирагдах шийдвэр гаргах үед, та өөрийн амьдралдаа баяр хөөрийг хүлээн авах шийдвэр гаргаж байна гэсэн үг. Баяр хөөр нь таны орлогын хэмжээ, харилцаа чинь хэр зэрэг гэдгээс эсвэл таны хаана амьдардагаас хамаардаггүй, харин амьдралын бүх л хүнд хэцүү үеүүдэд Түүнийг сонгох эсэхээс хамаардаг. Та өөрийнхөө амьдралыг Есүс Христэд өгөх сонголт хийх үед, баяр хөөр таныг сонгодог!