Баяр хөөрийн ДоргилтЗагвар

Хичнээн баяр хөөрөөр дүүрэн Христчин байх шийдвэр гаргасан байлаа ч зөвт амьдралаар амьдрахын чухалыг бүү дутуу үнэлээрэй. Хэрэв та нэрээ гутаасан бас амиа бодсон амьдралаар амьдраад тэнгэрлэг баяр хөөрийг хүлээн авах эрхтэй нэгэн байна гэж боддог бол, дахиад нэг сайн тунгаан бодоод үз!

Библи, Эхлэлээс Илчлэлт номыг дуустал, энэ ном нь зөвт амьдралаар амьдрахын ямар чухал болох талаарх Бурханы үзэл бодлоор дүүрэн ном юм. Би хуулийг ягштал дагах эсвэл эрх чөлөөгүй байдлын талаар яриагүй байна! Зөвт байдал нь Бурханы хувьд эрх чөлөө мөн амьдралын хамгийн хангалуун байдал юм!

Зөвт байдал гэдэг нь зүгээр л амьдралаа Бурханы арга замд захируулан амьдрахыг хэлнэ. Энэ нь магадгүй нэр төрөө гутаасан эсвэл тааруухан шийдвэр гаргасан амьдралаасаа салахыг ч хэлж байж болно. Магадгүй та яаж ярьдагаа эсвэл цагаа юунд зарцуулдагаа өөрчилөх хэрэгтэй болох байх.

Өнөөдөр, амьдралаа та тал талаас нь дүгнэж үзээд улмаар Бурханаас амьдралд чинь өөрчилөх шаардлагатай ямар л зүйл байна тэдгээрийг илчилж өгөөч гэж гуйгаарай. Сүүлийн үед эхнэр юмуу нөхөртэйгээ тэвчээргүй хандаж байсан гэсэн бодол санаанд чинь орж ирэх юм бол, тэрхүү бодлыг бүү үл тоомсорлоорой. Энэ нь магадгүй Бурханаас ирж байгаа бөгөөд Тэрээр таны амьдралын өөрчилөх шаардлагатай хэсгийг илчилж байх магадлалтай.

Магадгүй, Бурханаас амьдралдаа өөрчилөх шаардлагатай зүйлсийг илчилж өгөөч гэж гуйсны дараа, сүүлийн үед хэт их үрэлгэн байгаагаа гайхаж байж болох юм. Эсвэл хэт их цагийг компьютер дээр суухад үрж байгаагаа мэдэрч болох юм. Тэдгээр бодлуудаа бүү тоохгүй хаяарай. Магадгүй Бурхан таньд амьдралаа цэвэрлэхэд чинь туслаж улмаар баяр хөөрөөр дүүрэн амьдралаар амьдрах боломжийг таньд өнөөдөр олгож байж болох юм!