Баяр хөөрийн ДоргилтЗагвар

Баяр хөөр бол зүгээр нэг дуурайх зан чанар биш, харин үргэлж Түүний эрхэм оршихуйн бэлэг мөн. Та Есүсийг зүрх сэтгэлдээ орж улмаар таны амьдралын Эзэн болоочээ гэж гуйх үед, тэнгэрийн улсын баяр хөөр таньд хүрч мөн таны амьдралд өдөр бүр дүүрнээр бууж байдаг. Баяр хөөр бол оролцоо шаарддаг болохоос нөхцөл байдлууд маань авч ирдэг эсвэл хүргэдэг зүйл биш.

Таны амьдрал нуран унаж байхад ч та баяр хөөртэй байж болно учир нь Тэрээр таныг хэзээ ч орхихгүй, мартахгүй гэж амласан. Баяр хөөр нь хэзээ ч мөнгө шиг эсвэл цаг агаар шиг ирээд бас дуусдаг байх ёсгүй! Бид амьдралынхаа ямар ч өдрүүдэд үргэлж баяр хөөртэй байна учир нь Тэр бол Өөрийн оршихуйд хувирашгүй билээ.

Түүний оршихуйгаас таныг холдуулахаар тийм хийсэн зүйлс, хэлсэн үгс гэж таньд байхгүй. Та хаана ч очсон хамаагүй Түүний таньтай тогтмол нөхөрлөл ба дотно байдалд саад учруулах тийм газар гэж байхгүй. Тэр хаа сайгүй оршигч, өөрөөр хэлбэл Тэр бүх газарт байдаг бөгөөд Тэр таньтай үргэлж хамт байдаг... үргэлж таны талд байдаг гэдгийг санаарай.

Тэр таньтай хамт байгаагүй, таныг тайвшруулаагүй бас таньтай дотно харилцааг хүсэмжлээгүй ганц өдөр таны амьдралд байхгүй. Баяр хөөр нь аз жаргалтай өдрүүдэд ч тэр бас тааруухан өдрүүдэд ч тэр... талархмаар үеүүдэд ч тэр бас зовлонтой өдрүүдэд ч тэр Тэрээр таньтай хамт гэдгийг мэдсэнээр ирдэг. Түүний оршихуйн баяр хөөр нь таныг дугтуйн дотор хийж улмаар таныг хамгаалдаг. Тэр бол сайн бөгөөд Тэр таньтай хамт гэдгийг санаж амар тайван дотор өнөөдөр тухлаарай. Үүнээс илүү баяр хөөр гэж хаана ч байхгүй!