Адвент: Христ мэндэлсэн баярт хүрэх аянЗагвар

Бага зүйлсэд итгэмжтэй бай

Бурхан энэ дэлхийн үзэл баримтлалаас хамаагүй өөрөөр ажиллах дуртай Нэгэн. Энэ дэлхий бусдыг үнэлдэг шигээр Тэр биднийг үнэлдэггүй. Нэр алдраас илүүтэйгээр Тэр итгэмжит байдлыг, эрх мэдлээс илүүтэйгээр даруу байдлыг өндрөөр үнэлдэг. Хамгийн агуу гайхамшгийг үйлдсэн тэр л шөнө хаадад эсвэл дэлхийн удирдагчдад үүнийг илчлэхийн оронд энгийн хоньчдод тэнгэрэлч нарыг илгээн хэл дуулгажээ. Лук 2:8-д хоньчид "тэр газар сүргээ манаад шөнө хээр хоноглож" байжээ хэмээн бидэнд хэлдэг. Эдгээр хоньчид мал сүрэгтээ өөрсдийгөө зориулсан, хоньдынхоо хажууд хоноглон, өөрсдөд нь оногдсон мал сүргийг харж хандаж байсан гэдгийг анзаарахгүй өнгөрөхийн аргагүй. Хоньчид нийгмийн хамгийн доод бүлгийн хүмүүс байсан хэдий ч тэд итгэмжит хүмүүс байсан бөгөөд түүхэн дэх хамгийн агуу мэдээг хамгийн түрүүнд хүлээн авах хүмүүсээр Бурхан тэднийг сонгожээ. Улмаар тэд Бурханы Хүүтэй хамгийн түрүүнд танилцах боломжтой боллоо!

Хэрэв та өнөөдөр тийм ч чухал бус эсвэл анзаарагдахгүй өнгөрөх нэгэн мэт мэдрэмж танд төрж байгаа бол Бурханы таниар хийлгэхээр өгөгдсөн ажилд хөрөнгө оруулахаа бүү зогсоорой. Таны хийх ажил өчүүхэн зүйл мэт санагдах үед ч хүртэл хийж чадахаараа тэр ажлаа хийж гүйцэтгэ. Бүү санаагаар уна! Бага зүйлд итгэмжтэй байх хүмүүсийг Бурхан хайж байгаа бөгөөд тэгснээрээ Тэр тэдэнд улам илүүг даатган өгөх боломжтой болох юм. Өнөөдөр та юуг ч хийхээр даатгасан бай чадах чинээгээрээ үүнийгээ хий. Таны хичээл зүтгэлийг Бурхан харж байгаа бөгөөд өөрсдийнхөө өмнөх ажлыг итгэмжтэйгээр хийж гүйцэтгэгч хүмүүсийг Бурхан шагнадаг.

Залбирал: Ааваа, дэлхийн анзааралгүй өнгөрөх зүйлсэд Таны тавьдаг үнэ цэнийн төлөө Танд талархъя. Та надад ямар ч ажлыг хийлгэхээр өгсөн бүхий л зүрх сэтгэлээсээ тэр ажлыг би хийж гүйцэтгэх болно. Дэлхийн стандартын дагуу санаагаар унахгүй байхад надад туслаач, харин үүний оронд Христийн мэндэлсэн баярын гайхамшигийг хамгийн түрүүнд мэдүүлэхээр даруу, хөдөлмөрч хоньчдыг сонгосныг тань санахад надад туслаач. Хоньчдын адилаар, сайнмэдээг авч явагч байхаар намайг сонгосонд тань талархъя. Та надад итгэн өгсөн зүйлсэд итгэмжтэй байсны улмаас улам илүүг Та надад даатган өгөх учраас урьдчилан талархлыг өргөе.

Эндээсөнөөдрийн зургийг татаж авна уу.