Адвент: Христ мэндэлсэн баярт хүрэх аянЗагвар

Бурхан ойрхон байдаг

Иосефийн зүүдэнд тэнгэрэлч хэдэн зууны өмнөх эш үзүүллэгийг Есүсийн төрөлт биелүүлэх бөгөөд улмаар Еден цэцэрлэг дэх анхны гэмээс хойших Бурхан ба хүн төрөлхтний хооронд оршин байсан тусгаарлалтыг дуусгавар болгохыг илчилжээ. Есүс "Бурхан бол бидэнтэй хамт" гэгдэх Тэр Нэгэн болохыг Иосеф олж мэдсэн. Энэ үнэнийг мартах нь ямар амархан гээч!

Гэтлэл номоос, Есүсийг төрөхөөс маш олон жилийн өмнө, Мосе Бурхан өөртэй нь уулын орой дээр эсвэл шатаж буй бутаар замжуулан ярихыг хүлээх шаардлагатай болсон. Энэ үед Бурхантай тогтмол харилцах дотно харилцаа хүн төрөлхтний хувьд боломжтой байгаагүй. Бурхантай харилцах харилцааны талаарх хуучин сэтгэлгээнд халтирах нь заримдаа амархан байдаг. Бидэнд шатаж буй бутыг өгөөч хэмээн хүсэх, илэрхий байхыг хүсэх, бодит тэмдгийг харуулаач эсвэл Түүнээс ирэх тодорхой үгийг бид хэр олонтаа хүсдэг вэ? Христитгэлтнүүд ч хүртэл хүлээж байхдаа, Түүнээс сонсохыг хүлээж байхдаа Бурхан асар хол байгаа гэсэн худалд итгэж эхэлдэг.

Бурхан ба бидний хоорондох ангалд Есүс гүүр болсон гэдгийг бид санах хэрэгтэй. Шатаж буй бут эсвэл уулан дээр Түүнтэй ярих хүсэлд маань өгсөн Бурханы хариулт бол Тэр юм. Бидэнтэй ярих хүсэлгүй хөндий Бурханыг бид магтан хүндэлдэггүй. Түүнтэй харилцах харилцааг маань Есүс сэргээсэн бөгөөд Түүний хаан суудалд зоригтойгоор өдөр бүр хүрэх замыг бидэнд гаргасан.

Энэ Христ мэндэлсэн баяраар Бурхан тантай хамт гэдгийг санан тайвшралыг олж аваарай. Тэр залбирлыг тань сонсдог бөгөөд Тэр бол таны сайн сайхны төлөө байдаг. Түүнтэй харилцах эвдэрсэн харилцааг Бурхан сэргээх чадвартай юм бол амьдралд минь болоод бидний өмнөөс Тэр юуг хийж чадах мөн юуг хийх вэ гэдгийг бодоод үз!

Залбирал: Ааваа, Есүсийг бэлэг болгон өгсөний тань төлөө, Тантай дахин ойртох арга замыг Түүгээр дамжуулан өгсөний тань төлөө Танд талархъя. Миний өмнөөс цорын ганц Хүүгээ золиослох хүртлээ надтай харилцаатай байхыг хүссэний тань төлөө Танд талархъя. Ааваа, Есүсээр дамжуулан Танд хүрэх гүүр надад дахин өгөгдсөнийг мэдэхийн хамтаар залбирал, магтаалаар Таныг эрж хайх зоригийг надад өгөөч. Та надтай үргэлж хамт, би хэзээ ч ганцаараа биш гэдэг итгэлтэй байдлыг надад өгсөний тань төлөө Танд талархъя.

Эндээсөнөөдрийн зургийг татаж авна уу.