Паул Триппын Талархлын баярт зориулсан өдөр бүрийн чимээгүй цагийн судлалЗагвар

Атаархал бол өөө өөр дээрээ төвлөрсөн, өөрөө өөрийгөө зөвтгөгч зүйл мөн. Энэ нь ертөнцийн тань төвд таныг оруулдаг. Энэ нь бүхий л зүйлийг таны талаар болгон хувиргадаг. Энэ нь таны олж авах зохисгүй зүйлсийг та олж авбал зохино гэж танд хэлдэг. Атаархал нь ихийг хүсэн хүлээгч, шаардагч зүйл мөн. Атаархал таны хэн биш болохыг бас илүү ихийг олж авбал зохистой нэгэн бөгөөд таных биш зүйлийг та олж авбал зохих нэгэн гэж танд хэлдэг. Атаархал нь бусдын ивээлд баярлаж чаддаггүй учир нь та үүнээс илүүг олж авбал зохистой нэгэн хэмээн энэ нь танд хэлдэг. Таны хэзээ ч олж авч чадахгүй зүйлийг та олж авах ёстой гэж атаархал танд хэлдэг. Тос устай нийлдэггүйн адилаар атаархлын ертөнц нь нигүүлслийн ертөнцтэй хэзээ ч холилддоггүй. Атаархал таны хэн болохыг, Бурханы Хэн болохыг мартдаг бөгөөд энэ нь амьдрал ямар утга учиртай болох талаар үнэхээр төөрөлдсөн байдаг.

Гэсэн хэдий ч энэ бүхнийг хэлсний үр дүнд бодит үнэн байдал гэвэл бид бүгдээрээ л ямар нэгэн байдлаар, ямар нэгэн арга замаар, хэзээ нэгэн цагт атаархалтай тэмцэлддэг. Бидний хэзээ ч таашааж чадаагүй санхүүгийн амжилтад хажуугийн хүн маань хүрсэнд нь бид атаархдаг. Чуулганы найзын маань гэрлэлттэй адил гэрлэлт минь аз жаргалтай байсан ч болоосой гэж бид хүсдэг. Тэр хүн сайхан ажилтай байхад бид яагаад энэ ажилд дээрээ хадагдсан байдаг юм бол гэж бид гайхширдаг. Үнэхээр хайрлагч хүмүүс мэт харагдах нөгөө хүний эсийн бүлгийг хараад бид атаархдаг. Тэр хүн шиг иддэг атлаа түүн шиг туранхай байсан ч болоосой гэж бид хүсдэг. Өндөр хүн бага зэрэг намхан ч байсан болоосой гэж хүсдэг байхад намхан хүн нь бусдыг доош харахуйц өндөр ч байсан болоосой гэж хүсдэг. Буржгар үстэй хүн шулуун үстэй ч байсан болоосой гэж, шулуун үстэй хүн буржгар үстэй ч байсан болоосой гэж хүсдэг. Номын хүн алиа хүн ч байсан болоосой гэж, алиа хүн нь арай дээр дүнг авдаг ч байсан болоосой гэж хүсдэг.

Гэмээс болоод атаархал бол нийтлэг зүйл байдаг. Атаархал нь гэмийн хувиа хичээсэн байдалд үндэслэсэн байдаг (2 Коринт 5:14-15-ыг үзнэ үү). Атаархал бол өөрөө өөр дээрээ төвлөрсөн байдаг; өөрөө өөр дээрээ төвлөрсөн байдаг учраас энэ нь өөрийнхөө эрхийг шаардагч; өөрийнхөө эрхийг шаардагч учраас энэ нь шаардагч; шаардагч учраас энэ нь өөрийнхөө олж авах зохистой гэж бодсон эрхийг тань Тэрээр танд олгосон эсэхэд үндэслэн Бурханыг шүүдэг; үүнд үндэслэн Бурханыг шүүдэг учраас энэ нь Түүний сайн эсэхэд эргэлзэхэд таныг хүргэдэг. Бурханы сайн эсэхэд та эргэлзсэн учраас тусламж гуйхаар та Түүн рүү гүйдэггүй. Атаархал бол сүнсний сүйрэл мөн.

Та юуг ч олж авах эрхгүй байсныг нигүүлсэл танд сануулж байдаг хэдий ч энэ нь үүгээр төгсгөл болчихдоггүй-Бурхан бол гайхамшигтайгаар хайрлагч, өршөөгч, энэрэнгүй Нэгэн бөгөөд бидний хэзээ ч олж авч чадахгүй байсан зүйлсээр биднийг өгөөмрөөр хангаж байдаг гэсэн үнэнтэй энэ нь биднийг нүүрэлдүүлдэг. Бурхан бол ухаалаг Нэгэн бөгөөд Тэрээр биднийг хаана байгааг маань үргэлж мэддэг Нэгэн-Тэрээр бидэнд яг юу хэрэгтэй хэмээн мэддэг тэр л зүйлсийг хүн бүрт өгдөг Нэгэн болохыг нигүүлсэл мөн бидэнд сануулж байдаг.