Амьдралын шуурган дунд Бурханы үнэнийг олохуйЗагвар

Уй гашуудлын Ялалт

Зохиолч зохиол бичихээр суухдаа ном хэрхэн төгсөхийг ихэвчлэн мэдэж байдаг. Тэрээр гол дүрүүд ямар зөрчилдөөнтэй тулгарч, түүнийг хэрхэн даван туулахыг ч мэддэг.

Бурхан мөн яг л ийм. Тэр таны түүхийг бичиж байгаа бөгөөд төгсгөл нь ямар байхыг ч мэддэг. Заримдаа бид "яах бол?, бүр сүүлдээ юу болохыг хармаар санагдан хашхирмаар үе ч бий. Түүхийг бүхлээр нь мэдэхгүй ч бидний асуудалд зориулсан Бурханы зорилго үнэхээр бүх зовлон зүдүүрт үнэ цэнтэй гэдэгт итгэхийн тулд бид тэмцсээр байдаг.

Иов бол зовлон зүдүүрийнхээ талаар Бурханы зорилгод маш их эргэлзэж байсан хүний тод жишээ юм. Тэрээр бухимдсандаа Бурхан руу хашхирч, олон удаа цөхрөлд ойр очсон. Гэвч Өөрийнх нь зорилго, төлөвлөгөөнүүд үргэлж ялдаг гэдгийг Бурхан Иовд сануулдаг. Бурхан зовлон шаналлынх нь зорилгыг Иовд хэлээгүй ч, бүх зүйл Түүний хяналтад байгааг түүнд мэдүүлдэг.

Бидний зовлон зүдүүр Бурханы төлөвлөгөөнд хэрхэн өрнөдөг талаар томоохон түүх сонсохгүй байж ч болохын. Гэхдээ бидний туулж байгаа зүйлд үргэлж Бурханы зорилго байдаг гэдгийг мэдсэнээр бид тайвширдаг.

Бид Бурханы төлөвлөгөө хэзээ ч бүтэлгүйтэхгүй гэдгийг мэдсэнээр түүнийг тэвчээртэйгээр хүлээдэг. Бидний зовлон бол ертөнцийг хайрладаг Бурханы агуу түүхийн зөвхөн өчүүхэн хэсэг нь юм.

Залбирал: Бурхан минь ээ, зовлон зүдүүрийнхээ дунд Таны зорилгыг олж харахгүй ч, Танд итгэсээр байх нь заримдаа хэцүү байдаг. Та надад тэвчээрийг өгөөч, мөн бүх зүйл Таны хяналтад байдаг гэдэгт итгэхэд минь туслаач. Дэлхий ертөнцөд зориулсан Таны төгс төгөлдөр төлөвлөгөөний төлөө танд талархаж байна. Амен.