Свети емоции - Библиски реакции за секој предизвикПримерок

Една од освежувачките навики кои можеш да ги практикуваш, е да избереш да поминеш време во славење, во текот на секој ден. Од основна важност е да разбереш дека времето кое го одвојуваш за славење, ќе ти овозможи да ги издржиш и надминеш бурите низ кои поминуваш во животот. Секојдневното славење на Господ додека се тушираш, додека возиш, дури и кога одиш на прошетка може да ти ги покаже рајските хоризонти во ситуациите низ кои поминуваш. Пеењето во тек на миење садови или диплење алишта ќе ти послужи како извор на радост во твоето срце. Ако си од оние Христијани со духовна анорексија кои пеат песни за славење само во неделите, треба да знаеш дека го пропушташ најдобриот дел од животот! Верувај ми - не сакаш да го пропуштиш задоволството кое се наоѓа во чистење на пепелта и прашината во твојот живот, да се ослободиш од тагата и да ја облечеш херојската наметка за славење која Исус ти ја овозможил да ја имаш. Ова е најголемата размена која се случила во историјата на времето: ти му ја даваш Нему твојата болка и твоето скршено срце, додека тој ти ја дава наметката за славење која ја носат хероите!