Свети емоции - Библиски реакции за секој предизвикПримерок

Најмоќниот начин кој ќе те направи сигурен во тоа дека твојот дух ќе прерасне во најиздржливиот дел од твојот внатрешен човек, е да се молиш без престан. Не кажав да се жалиш без престан - туку да се молиш без престан.

Толку многу Христијани ги поминуваат своите животи жалејки се пред Господ и после се чудат зошто никогаш не добиле одговор на нивните молитви! Кога се молиш, моли се со радост! Кога се молиш, оди со храброст и настапи моќно во Негово присуство! Кога се молиш, остави ја твојата емотивна душа пред вратата и понеси го со себе твојот дух пред тронот во собата и уживај во Неговото прекрасно присуство!

Бог те љуби и кога се жалиш ... но кога твојот дух се здружува со Неговиот Дух во големата симфонија на славење, е моментот кога рајот и земјата започнуваат да се движат за твое добро. Ние како Христијани, не сме група на луѓе кои своето славење го ограничуваат само за моменти на радост, сончеви денови, чистото небо и убаво опкружување, туку сме одлучни да се молиме со радост и во моменти кога ни изгледа дека нашите животи се распаѓаат. Во нашите гени е да дојдеме во Негово присуство со благодарност, без оглед на тоа што нѐ чека од другата страна на вратата кога ќе си заминеме.

Трите еврејски момчиња славеа во лутата печка! Павле и Сила пееа на полноќ во затворот! Стефан славеше додека го каменуваа! Хана го прославуваше Бог иако не беше трудна! Придружи се на групата верници од сите генерации низ историјата кои одбрале да се молат со радост.